Янил урта мәктәбе укучылары китапханәне баеттылар

“Китапта үткәннең каны, бүгенгенең җаны, киләчәкнең таңы” кебек бик тә тирән мәгънәгә ия булган әлеге сүзләр буыннан-буынга тапшырылып килә. Чынан да, бу шулай. Янил урта мәктәбе укучылары әлеге мирасны саклап калу өчен, укучылар һәм укытучылар белән берлектә ярминкә уздырып, китапханә фондын тулыландырдылар. Китапларны күп укыган баланың күңелендә начарлыкка урын калмаячак, чөнки ул китаплардан яхшыны яманнан аерырга, үзендәге әйбәт һәм начар якларны бәяләргә өйрәнә, дип хәбәр итте китапханәче Чулпан Кәримуллина.