Ялган туганы кукмаралының акчасын урлаган
Полициягә мөрәҗәгать иткән хатынның ире ярдәм сораучыга акча күчергән
6 ноябрь көнне район эчке эшләр бүлегенең дежур частена Кукмара районында яшәүче хатын-кыз мөрәҗәгать итеп, мошенниклар тозагына эләгүен хәбәр иткән. “ВКонтакте” социаль челтәрендә аның абыйсы исеменнән иренә акча биреп торуын сорап язган шәхси хат килгән. Ә ире, ике дә уйламыйча, 3 мең 500 сум акчаны хатта күрсәтелгән банк картасына күчергән. Билгеле бер вакыттан соң, хатны абыйсының социаль челтәрдәге битеннән билгесез кеше җибәргәнлеге ачыкланган.
Хөрмәтле райондашлар, хокук сакчылары сезне игътибарлы һәм сак булырга чакыра!
фото: pixabay.com
Следите за самым важным и интересным в Telegram-каналеТатмедиа
«Кукмор Татарстан» Telegram-каналга язылыгыз
Нет комментариев