Хезмәт даны
  • Рус Тат
  • Татарстанның 100 мәчетендә татар теле курсларына укучылар кабул ителә

    Дәресләр атнага ике тапкыр узачак.

    1-нче октябрьдән Татарстан мәчетләрендә янәдән татар теле курслары ачыла, дәресләр 100 мәйданчыкта оештырылачак. Бу хакта Татарстан Республикасы мөселманнарының Диния нәзарәте пресса хезмәте хәбәр итә.

    2020-2021-нче уку елында татар телен башлангыч дәрәҗәдә өйрәнү буенча курслар Татарстанның 45 мөхтәсибәтен колачлаячак, шул исәптә Казанның 45 мәчетен.

    Мәчетләрдә татар теле дәресләре атнага ике тапкыр узачак. Укыту курсы 48 академик сәгатькә исәпләнгән, аның дәвамлылыгы 6 ай тәшкил итәчәк - 2020 елның 1 октябреннән 2021 елның 30 апреленә кадәр.

    Дәресләрне югары белемле филологлар, тәҗрибәле татар теле укытучылары алып барачак.

    Мәчет каршындагы татар теле курсларына башлангыч сөйләм дәрәҗәсендә белем алырга ниятләгән барлык теләүчеләр чакырыла. Укыту бушлай. Курсларга 1 октябрьгә кадәр ДУМ РТ сайтында күрсәтелгән файлдагы мәчетләргә мөрәҗәгать итеп язылырга мөмкин.

    фото: dumrt.ru

    «Кукмор Татарстан» Telegram-каналга язылыгыз

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: