Татарстанда янгында ир-ат һәлак булган, аның 84 яшьлек әнисен коткарганнар

Кичә кич Алабуга районының Иске Юраш авылында шәхси йорт янган. Янгын сүндерүчеләр килеп җиткән вакытта йорт тулысынча ут белән капланган булган, дип яза "Татар-информ".

Янгынны сүндергәч, янгын сүндерүчеләр 59 яшьлек ир-ат мәетенә тап булган. Аның 84 яшьлек әнисе янгын сүндерүчеләр килгәнче үк өйдән чыгып китәргә өлгергән.

Башлангыч фаразлар буенча, янгын сәбәбе булып ут белән саксыз эш итү тора.

фото: ГУ МЧС России по РТ