Татарстанда тәүлек эчендә 90 яңа коронавирус очрагы ачыкланган

Татарстанда узган тәүлектә 90 яңа коронавирус очрагы ачыкланган. Бу хакта коронавирус буенча оператив штаб хәбәр итә, дип яза «Татар-информ».

8 очрак - читтән кертелгән, 82 очрак - контактлар. 16 кеше хастаханәгә урнаштырылган, 74 кеше өйләрендә дәвалана.

Казанда - 58, Чаллыда-10, Түбән Кама һәм Балык Бистәсе районнарында – алтышар, Лениногорск, Лаеш һәм Питрәч районнарында – икешәр, Азнакай, Югары Ослан, Яшел Үзән, Кукмара районнарында – берәр очрак ачыкланган.

Бөтен вакыт эчендә республикада 10 865 Covid-19 очрагы теркәлгән.

Кичә коронавирустан тагын өч үлем теркәлгән. Республикада пандемия башланганнан бирле үлем очраклары саны 147гә җиткән.

Фото: «Татар-информ» МА