Татарстанда тәүлек эчендә 106 яңа коронавирус очрагы ачыкланган

Татарстанда узган тәүлектә 106 яңа коронавирус очрагы ачыкланган. Бу хакта коронавирус буенча оператив штаб хәбәр итә, дип яза «Татар-информ».

Шуларның 4се читтән кертелгән, 102се - элемтә нәтиҗәсендә. 27 кеше хастаханәгә салынган, 79 кеше өйләрендә дәвалана.

Казанда - 58, Чаллыда – 13, Түбән Кама районында – 6, Питрәч һәм Яшел Үзән районнарында - дүртәр, Актаныш, Әлмәт, Балтач, Биектау, Алабуга, Зәй һәм Балык Бистәсе районнарында – икешәр, Әтнә, Бөгелмә, Буа, Кукмара, Лаеш, Саба, Чистай районнарында берәр очрак ачыкланган.

Татарстанда бөтен вакыт эчендә 12 890 Covid-19 очрагы теркәлгән,10 637 кеше, шул исәптән 20се узган тәүлектә терелгән.

фото: «Татар-информ»