Татарстанда хастаханәгә салынган балалар саны егермегә җитте
Үзәк район хастаханәсендә 1-6 сыйныф укучыларын тикшерәләр.
Актанышта хастаханәгә салынган балалар саны егермегә җиткән.
Алдан «Татар-информ» үз чыганагына сылтама белән, 16 укучыны хастаханәгә салганнар дип хәбәр иткән иде.
Хәзер Актаныш Үзәк район хастаханәсендә 1-6 сыйныф укучылары ята. Өч укучының хәле уртача авырлыкта булуы, калганнары җиңелчә зыян күрүе турында билгеле. Район хастаханәсе педиатрлары иртәдән бирле мәктәптә калган укучыларны тикшерәләр.
Татарстан Сәламәтлек саклау министрлыгында «Татар-информ»га Актаныш Үзәк район хастаханәсе табиблары балаларга кирәкле квалификацияле ярдәм күрсәтәләр, дип сөйләделәр.
Следите за самым важным и интересным в Telegram-каналеТатмедиа
«Кукмор Татарстан» Telegram-каналга язылыгыз
Нет комментариев