Татарстан Дәүләт җыр һәм бию ансамбле Кукмара районында чыгыш ясый

«Туган телләр һәм халыклар бердәмлеге елы» кысаларында Татарстан Дәүләт җыр һәм бию ансамбле үзенең «Туган ил» программасы белән Кукмарага килә.

Әлеге программага вокаль-хореографик композицияләр, татар халык җырлары һәм ансамбльнең алтын фондыннан попуррилар кергән.

Шулай ук «Туй» музыкаль-хореографик спектакленнән номерлар да бар.

Ансамбль 1 февральдә - Түбән Өскебаш, 3 февральдә - Зур Сәрдек, 8 февральдә - Ядегәр, 10 февральдә Байлангар мәдәният йортларында чыгыш ясаячак.

Башлана 19.00 сәгатьтә. Керү ирекле.

6+

фото: Ильсия Шамсетдинова/ «Саба таңнары»