Сөт сату күләме буенча алдынгылар исемлегендә Татарстан да бар

1 мартка булган мәгълүматлар буенча, Татарстан сөт сату күләме буенча алдынгылар исемлегенә кергән, дип яза «Татар-информ».

«Иң зур күләмдә сөтне Татарстан, Краснодар крае, Воронеж, Киров, Свердловск, Ленинград, Белгород, Новосибирск, Мәскәү өлкәсе, Удмуртия саткан», — дип хәбәр итә Россия Авыл хуҗалыгы министрлыгының матбугат хезмәте.

Министрлык хәбәр иткәнчә, авыл хуҗалыгы предприятиеләре бер тәүлектә 3687,6 тонна сөт саткан. Бу 2020 елның шул чоры белән чагыштырганда 4 процентка күбрәк.

 9 мартка булган мәгълүматлар буенча, Татарстанда бер сыер тәүлегенә уратча 17,4 килограмм сөт бирә, бу узган елга караганда 1 килограммга күбрәк.

Элек хәбәр ителгәнчә, 2020 елда Татарстан предприятиеләре 738 мең долларга Венгриядән сыерлар кайтарткан.

фото:  «Татар-информ»