Сергей Димитриев: Безнең алда эшмәкәрлекне үстерү, яңа эш урыннары булдыру бурычы тора

- Сергей Димитриевич, искене яңарту, төзелешләр алып бару өчен, финанс хәлнең тотрыклы булуы кирәк. Районның узган елгы социаль-икътисадый үсеш нәтиҗәләрен  барлыйк әле.

- 2017 елда җитештерелгән тулаем продукция күләме 8 процентка артып, 11 миллиард 700 миллион сумга җитте. Җиңел сәнәгатьтә товар җитештерү елдан-ел арта бара, металл савыт-сабалар заводы, тегү фабрикасы, киез итек-киез комбинатының инде чит төбәкләрдә дә даими кулланучылары бар һәм алар яңа базарлар яулау өстендә эшлиләр. Шулай ук 6 мең кешене эш урыннары белән тәэмин иткән кече һәм урта бизнес предприятиеләре дә район икътисадына саллы өлеш кертәләр. Безнең алда эшмәкәрлекне үстерү, яңа эш урыннары булдыру бурычы тора. Кукмарада төзелгән 36 гектар җир биләүче, 19 резидент урнаштыру планлаштырылган сәнәгать паркы шул проблеманы хәл итәргә һәм, әлбәттә, тулаем продукция җитештерүне арттырырга булышачак.

Фото: Султан Исхаков