Римма Ратникова райондашларыбызны «Хезмәт даны» газетасына яздырды

Алдагы еллардагы матур традицияне дәвам итеп, быел да «Подписка бүләк ит» дигән акция оештырырга булдык. Аның кысаларында һәркем үзенең әти-әнисе, якыны, туганы, күршесе, ялгыз яшәүче, физик мөмкинлеге чикле райондашыбызны, мәктәп, балалар бакчасы коллективын — күңеле кемне тели, «Хезмәт даны» газетасына яздыра ала.

Якташыбыз, Татарстан Дәүләт Советы депутаты Римма Ратникова акциягә үз өлешен кертте һәм биш райондашыбызга алты айга «Хезмәт даны» газетасына подписка бүләк итте.

14 декабрьгә кадәр газетага ташламалы бәядән язылу бара. Бу мөмкинлекне кулыгыздан ычкындырмагыз. Алты айга язылу бәясе — 804,6 сум.

Фото: Эльвира Иванова/ «Хезмәт даны»