Римма Ратникова Кукмара газета хезмәткәрләре һәм хәбәрчеләре белән очрашты

Район газетасы редакциясендә Татарстан Республикасы Дәүләт Советы рәисе урынбасары, республиканың Журналистлар берлеге җитәкчесе Римма Ратникова һәм район башлыгы урынбасары Равия Каримуллина газета хезмәткәрләре һәм хәбәрчеләре белән очраштылар. Сүз Россия Журналистлар берлеге белән берләшүгә, Татарстанның 100 еллыгын билгеләп үтүгә әзерлек, журналистларның башлангыч оешмаларының эшчәнлекләрен җанландырып җибәрү, кадрлар әзерләү, яшьләрне иҗат эшенә тарту һәм  журналистикага кагылышлы башка мәсьәләләр турында барды. Очрашу ахырында Римма Атлас кызы сорауларга җавап бирде. Бу чара рәсми булмаган, җылы әңгәмә рәвешендә үтте. Районыбызның үзешчән язучылары кунакларга үзләренең китапларын бүләк иттеләр.