Райондашыбыз Ваһапов фестивалендә катнашып, беренче дәрәҗә лауреат булды

Казанда Рәшит Ваһапов исемендәге халыкара татар җыры фестиваленең ХV юбилей Гала - концерты узды. Анда татар сәнгатенең легендалары белән беррәтән, фестивальнең популяр лауреатлары һәм конкурсының яңа, өметле җиңүчеләре чыгыш ясады. Алар арасында Кукмара егете, өметле музыкант, Казан дәүләт консерваториясенең II курс студенты Ильяс Шәрипов та бар иде. Ул инструменталь башкару номинациясендә 1нче дәрәҗә лауреат исеменә лаек булды.