Район башлыгы Сергей Димитриев Олыяз авылында яшәүче Нәзифә Мәхмүтованы 100 яшьлек юбилее белән котлады

Район башлыгы Сергей Димитриев Олыяз авылында яшәүче Нәзифә Мәхмүтованы 100 яшьлек юбилее белән котлады һәм Россия Президентының котлау открыткасын, үзенең Рәхмәт хаты белән истәлек бүләген тапшырды, йөзьяшәр әбигә нык сәламәтлек, күңел көрлеге теләде.

Нәзифә апа Олыяз авылының ишле, гади крестьян гаиләсендә дөньяга килә, гомер буе биредә гомер кичерә. Ул колхозда хезмәт куя, лаеклы ялга чыкканнан соң, унбер ел Казаклар авылында урнашкан алмагачлыкта эшли. Тормыш иптәше белән тугыз балага гомер бирәләр алар. Әмма бүгенге көндә җан кисәкләренең икесе вафат икән.

Нәзифә апаның бүгенге көндәге байлыгы: 7 баласы, 17 оныгы, 25 оныкчыгы, оныкларының 2 баласы.