Рамазан аенда Кадер кичәсен нинди билгеләрдән белергә мөмкин

Сорау:
Рамазан аеның ахыргы ун көнендә Кадер кичәсе була, диләр. Белгәнемчә, аның шул ахыргы көннәрнең так (нечетный) төнендә булуы ихтимал. Кадер кичәче булуын нинди билгеләрдән аңлап була? 

Җавап:
Галимнәр билгеләп үткәнчә, Кадер кичәсе булуын аңа хас булган кайбер галәмәтләрдән белергә мөмкин:
- бу кичә нурлы, тыныч һәм матур булыр;
- бик салкын да булмас, бик эссе дә булмас;
- күк аяз булыр;
- болытлар йөрмәс һәм җил исмәс;
- яңгыр да яумас, кар да төшмәс;
- һавадан йолдызлар атылмас;
- этләр өрмәс;
- барча җиһанда тылсымлы тынлык урнашыр...

Ришат хәзрәт Курамшин әзерләде.