Путин Херсон һәм Запорожье өлкәләренең бәйсезлеген таныды

Россия Президенты Владимир Путин Херсон һәм Запорожье өлкәләрен бәйсез территорияләр дип тану турындагы указларны имзалады, дип хәбәр итә РИА Новости.

«Халыкара хокукның гомуми кабул ителгән принциплары һәм нормалары нигезендә, Берләшкән Милләтләр оешмалары Уставында беркетелгән халыкларның тигезлеге һәм үзбилгеләнү принцибын танып һәм раслап, Херсон өлкәсе халкының 2022 елның 27 сентябрендә узган референдумда ихтыяр белдерүен исәпкә алып, карар бирәм: Херсон өлкәсенең суверенитетын һәм бәйсезлеген танырга», - диелә документта.

Икенче шундый ук указ Запорожье өлкәсенең суверенитетын һәм бәйсезлеген тану турында, дип яза «Татар-информ» МА.

23-27 сентябрьдә ДНР һәм ЛНРда, шулай ук Херсон һәм Запорожье өлкәләрендәге азат ителгән территорияләрдә әлеге төбәкләрнең Россия составына керүе турында референдумнар узды. 

фото: «Татар-информ» МА