Олыяз авылында районның крестьян-фермер хуҗалыклары конференциясе үтте
Анда әлеге хуҗалыклар алдында торган бурычлар анализланды.
Олыяз авылы мәдәният йортында крестьян-фермер хуҗалыклары җитәкчеләренең конференциясе үтте. Чарада район башлыгы Сергей Димитриев, авыл хуҗалыгы һәм азык-төлек идарәсе җитәкчесе Рафак Хәлиуллин, фермерлар берлеге рәисе Таһир Бариев, район ветеринария берләшмәсе җитәкчесе Рифат Каримуллин һәм башкаларның чыгышлары тыңланды, алдынгы фермерлар бүләкләнде.
Район фермерлар берләшмәсе рәисе Таһир Бариев сүзләренә караганда, районда 120 фермер хужалыгы теркәлеп, 21500 гектар җирдә үзләренең эшчәнлеген алып баралар. Шуларның 60ы терлекчелек һәм игенчелек белән, 30ы бары тик игенчелек белән шөгыльләнә, 22се яшелчә һәм җиләк-җимеш үстерә, 2 фермер хужалыгы умарталар тота. Бүгенге көндә крестьян-фермер хуҗалыкларында 6364 баш мөгезле эре терлек бар. Узган елда караганда бу 596 башка күбрәк.
Следите за самым важным и интересным в Telegram-каналеТатмедиа
«Кукмор Татарстан» Telegram-каналга язылыгыз
Нет комментариев