Кукмара китапханәсендә Татарстан Республикасының атказанган артисты Азат Зарипов белән очрашу булды

Бүген "Бердәм Россия" көне кысаларында Кукмара китапханәсендә Татарстан Республикасының атказанган артисты, Казан дәүләт мәдәният институтының театральләштерелгән тамашалар режиссурасы һәм театр иҗаты кафедрасы доценты,  режиссер Зарипов Азат Әнәс улы белән очрашу булды. Чарага райондагы авыл китапханәләре хезмәткәрләре чакырылган иде.

Артист үз чыгышында  фикерне дөрес житкерү, текст язу тәртибе, сөйләм үзенчәлекләре, авазларны дөрес яңгырату һәм кешеләр алдында үз-үзеңне тоту турында мәгълүмат житкерде. Сәхнәгә чыгар алдыннан барлыкка килгән киеренкелекне бетерү буенча мастер-класс күрсәтте. 

Азат Зарипов үзенең киңәшләре белән уртаклашты, тормышында иҗади эшчәнлек белән бәйле булган кызыклы очракларны исенә төшерде, китапханәчеләрне кызыксындырган сорауларга жавап бирде.