“Миләшкәй” балалар бакчасында “Татар кызы - 2019” конкурсы узды

“Миләшкәй” балалар бакчасында Югары Чура, Кече Чура һәм “Миләшкәй” балалар бакчасында тәрбияләнүче балалар катнашында “Татар кызы - 2019 ” конкурсы узды.

Балалар “Үзем турында үзем”, “Иң талантлы кыз”, “Әбием сандыгы”, “Бармак уены” номинацияләрендә үзләренең осталыкларын күрсәтте. Аларның уйнаулары, милли киемнәре, үз-үзләрен тотышлары барыбызны да сокландырды. Шуңа да урыннарны билгеләү җиңелләрдән булмады.

Җитез кыз – Югары Чурадан Софья Иванова, назлы кыз – Кече Чурадан Ангелина Агеева, акыллы кыз – Югары Чурадан Айзилә Галимуллина, гүзәл кыз – Югары Чурадан Алинә Карпова, зирәк кыз – “Миләшкәй” балалар бакчасыннан Самира Михайлова.
“Ак калфак” оешмасы әзерләгән ак калфакка Самира Михайлова лаек булды.

Рафилә ФӘТТАХОВА, Кукмара