Манзарас авылында сарай янган

Кукмара районының Манзарас авылында сарай янган. Бу хакта Кукмара районының 117нче янгын-коткару часте хәбәр итә.

11 апрель көнне 18.10 сәгатьтә 117нче янгын-коткару частеның элемтә пунктына Глонасс-112 системасы буенча Манзарас авылының Яшьләр урамында янгын чыгуы турында хәбәр килеп ирешә.

Янгын сүндерүчеләр килгәч, 120 квадрат метр мәйданда сарай януын ачыклый, шулай ук утның күрше корылмаларга һәм торак йортларга таралу куркынычы да була.

Янгын нәтиҗәсендә сарайның 120 квадрат метр мәйданы кара күмергә әверелә. Һәлак булучылар һәм зыян күрүчеләр юк. Ут таралуга юл куелмый. Янгынның сәбәпләре ачыклана.

фото: Эльвира Мөбарәкшина/ «Хезмәт даны», янгын-коткару часте​​​​​​​