Кукмараның «Voilok Fashion» мода театры 300 мең сумлык сертификат отты

Казанда «Алтын хәситә» халыкара милли костюмнар конкурсының финалы узды.

Катнашучылар «Тарихи милли костюм», «Заманча авторлык костюмы», «Милли балалар киеме», «Баш киемнәре һәм аксессуарлар», «Милли костюм кигән курчак» номинацияләрендә үзләренең костюмнарын күрсәттеләр.

«Милли балалар киеме» номинациясендә «Voilok Fashion» мода театры 1нче урынны яулады (җитәкчеләре – Гүзәл Гатина, Миләүшә Вилданова). Укучыларга яңа коллекция булдыру өчен 300 мең сумлык сертификат тапшырылды.