Кукмараның “Ләйсән” балалар бакчасы - республикада иң яхшы билингваль балалар бакчасы

Татарстанның ике дәүләт теле - татар һәм рус телләрен өйрәтүдә югары күрсәткечләргә ирешүче балалар бакчаларын ачыклау максатында республикада “Иң яхшы билингваль балалар бакчасы” конкурсы узды. Конкурс комиссиясе әгъзалары, шәһәрләргә һәм районнарга чыгып, сабыйларның татар һәм рус телләрен белү дәрәҗәсен, тәрбиячеләрнең эшчәнлек системасын урыннарда билгеләделәр. Республиканың иң яхшы 30 мәктәпкәчә яшьтәге учреждениеләре арасында Кукмараның “Ләйсән” балалар бакчасы (мөдире – Миләүшә Шаһабиева) да бар. Бакча Диплом һәм 500 мең сумлык сертификат белән бүләкләнде.