Кукмаралыларны Казан табиблары кабул итте
«Бердәм Россия көне» проекты һәм «Сәламәт киләчәк» федераль проектын тормышка ашыру кысаларында Кукмара районы үзәк дәваханәсенә республика балалар килинк дәваханәсе табиблары һәм төбәкара клиник-диагностика үзәге белгечләре килде.
Бүген район үзәк дәваханәсендә балаларны һәм өлкәннәрне кардиолог, эндокринолог, пульмонолог, невролог, кан тамырлары хирургы һәм күз табиблары кабул итте.
«Мин республика балалар килинк дәваханәсенең "Сәламәтлек үзәге"н җитәклим. Без "Бердәм Россия көне" проекты һәм "Сәламәт киләчәк" прграммасы кысаларында бүген күппрофильле бригада белән Кукмарага күчмә кабул итү белән килдек. Тикшерәбез, киңәшләр бирәбез. Әгәр ниндидер тайпылышлар ачыкланса, алга таба дәвалану өчен республика килинк дәваханәсенә чакырабыз», — дип билгеләп узды республика балалар килинк дәваханәсенең бүлек мөдире, табиб-педиатр Гүзәл Яруллина.
Гүзәл Рашид кызы күппрофильле лицейда 7, 8, 9нчы сыйныф укучылары белән дә очрашты һәм аларга сәламәт яшәү рәвешен алып бару, дөрес туклану, начар гадәтләрнең организмга тәэсире турында сөйләде, укучыларның сорауларына җавап бирде.
фото: Алсу Сәләхетдинова/ «Кукмор-информ»
Следите за самым важным и интересным в Telegram-каналеТатмедиа
«Кукмор Татарстан» Telegram-каналга язылыгыз
Галерея
Оставляйте реакции
Нет комментариев