Кукмаралыларны буран, кар көртләре һәм көчле җил турында кисәттеләр

Районда һава торышының бозылуы көтелә. Бу хакта Кукмара районының бердәм дежур-диспетчерлык хезмәте хәбәр итә.

2 февральдә көчле, юеш кар явачак. Бу хәлне көчле җил, буран тагын да кискенләштерә.

«Юлларда бозлавык, кар көртләре булачак. Җил көньяк-көнбатыштан төньяк-көнбатышка таба секундына 8-13 метр, көндез урыны белән 15-20 метрга кадәр тизлектә», - дип кисәтә бердәм дежур-диспетчерлык хезмәте.

Кич белән һава температурасы -5 градустан алып -10 градуска кадәр. Көндезге сәгатьләрдә һава температурасы -1дән алып -6 градуска кадәр.

Фото: Марат Гыйләҗев