Кукмаралылар «Уйнагыз, гармуннар» фестивалендә Гран-при яулады

Киров өлкәсе татарларының мәдәни-мәгърифәт иҗтимагый оешмасы тарафыннан Киров өлкәсенең Красная Поляна поселогында VIII Төбәкара «Уйнагыз, гармуннар» фестиваль-конкурсы уздырылды.

Фестивальдә Татарстан Республикасы Кукмара районыннан, Киров өлкәсенең Вятка Аланы районыннан 137 конкурсант катнашты.

Алар түбәндәге номинацияләрдә көч сынашты: «Иң яхшы баянчы», «Иң яхшы гармунчы», «Иң яхшы инструменталь ансамбль», «Иң яшь башкаручы», «Вокал», «Халык биюе».

Кукмара балалар музыка мәктәбе укучылары да конкурста катнашып, югары нәтиҗәләргә иреште. «Шаян егетләр» гармунчылар һәм баянчылар ансамбле фестивальнең - Гран-приена, Сәйдәш Бикбов беренче дәрәҗә лауреат исеменә лаек булды. Җитәкчеләре – Дамир Рафиков.