Кукмаралылар “Каравон-2019” рус халык бәйрәмендә катнашты

Татарстан Республикасы Лаеш районының Никольское авылында “Каравон-2019” XVII бөтенроссия рус халык бәйрәме узды. Анда район Мәдәният йортының “Калинка” һәм “ЭВВА” ансамбльләре дә катнашты.

Бәйрәмгә Россиянең төрле почмакларыннан коллективлар җыелган иде. Мәйданчыкларда иң яхшы һөнәр осталары эшләде, такмаклар яңгырады, дәртле биюләр һәм уеннар башкарылды. Бәйрәм җырчы Марина Девятованың зур концерты һәм “Каравон” традицион әйлән-бәйлән уены белән тәмамланды.