Кукмаралылар Азнакайдан җиңү белән кайттылар

Туризм спорты буенча Татарстан Республикасы чемпионаты үткәрелде.
Республикабызның XV “Сәламәтлек” авыл спартакиадасы кысаларында Азнакайда авыл районнары командалары арасында җәяүле дистанциядә туризм спорты буенча чемпионат үткәрелде. Анда кукмаралылар уңышлы чыгыш ясап, беренче урынны яулады. Команданы ярышларга Ядегәр урта мәктәбенең физик тәрбия укытучысы Фаил Хәмзин әзерләде.