Кукмарада яшәүче бер ир танышының банк картасын урлап, акчасын салдырган

Кукмарада 20 яшьлек егет танышының банк картасыннан акчасын урлаган өчен хөкем ителгән. Бу хакта Татарстан Прокуратурасы сайтында хәбәр ителә.

2020 елның 6 декабрендә 20 яшьлек егет таныш хатыны белән спиртлы эчемлекләр эчә. Шул вакытта ул аның куртка кесәсеннән банк картасын урлый.

Нәтиҗәдә, җинаятьче банкоматтан 10,6 мең сум акча салдыра.

Хөкем ителүче үз гаебен тулысынча таныды һәм зыянны каплады.

Суд гаеплегә шундый ук сынау вакыты белән шартлы рәвештә алты ай ирегеннән мәхрүм итү җәзасын билгеләде.