Кукмарада Украинада һәлак булган рядовой Рузил Сабирҗанов белән хушлаштылар

Бүген Кукмарада Украинадагы махсус операция барышында һәлак булган рядовой Рузил Айнур улы белән хушлаштылар.

Рузил Сабирҗанов мотоукчы батальонының танкка каршы взводында танкка каршы идарә итүче ракеталар бүлегендә оператор булып хезмәт иткән. 2 июльдә райондашыбызга 22 яшь тулган булыр иде.

Рузил белән хушлашырга район җитәкчелеге, якыннары, дуслары, күршеләре һәм битараф булмаган шәһәр халкы килгән иде.

«Бу - барыбыз өчен дә зур фаҗига. Рузил безнең күз алдыбызда үсте, ул бик тыйнак, тәртипле егет иде. Аның әти-әнисе дә - бик тырыш, хезмәт сөючән кешеләр. Аллаһы Тәгалә аларга сабырлык бирсен, Рузилнең урыны җәннәттә булсын», - дип сөйләде Сабирҗановлар гаиләсенең күршесе Әлфинур Сабитова.

Фото: Эльвира Иванова/ «Хезмәт даны»