Кукмарада склад янган

6 февраль көнне район янгын-коткару частена Ворошилов урамында кулланылмый торган склад бинасының түбәсе януы турында хәбәр килеп ирешә.

Чакыру буенча килгән 117нче янгын-коткару часте хезмәткәрләре, түбәнең ачык ут белән янганын күрә. Шулай ук ялкынның бөтен бинага таралу куркынычы да була. Янгын сүндерүчеләрне каршы алган бина хуҗасы, анда беркем дә булмавын җиткерә.

Ут нәтиҗәсендә бинаның түбәсенә зыян килә. Хәзерге вакытта янгын чыгуның сәбәпләре ачыклана.