Кукмарада җәмәгать транспортын дезинфекцияли башладылар

Коронавирус инфекциясен кисәтү өчен Кукмарада автобусларга көндәлек рәвештә дезинфекция уздыралар. Бу турыда Кукмара муниципаль районы сайтында хәбәр ителә.

«Районның барлык җәмәгать автотранспортында дезинфекцияләү эшләре оештырыла. Профилактик чаралар республикада эпидемиологик хәл стабильләшкәнче башкарылачак», - диелә хәбәрдә.

Транспорт хезмәтендә эшләүчеләр махсус эретмә белән автобус эчен, урындык, тәрәзә, тотынгычларны сөртә.

Кукмара районы халкын җәмәгать урыннарына барудан тыелып торырга чакырабыз, шәхси гигиена кагыйдәләрен сакларга киңәш итәбез. Шикле симптомнар барлыкка килгән очракта кичекмәстән табибка мөрәҗәгать итәргә кирәк.