Кукмарада коррупциягә каршы чаралар турында фикер алыштылар

Бүген район Советы бинасында район башлыгы Сергей Димитриев рәислегендә Кукмара районында коррупциягә каршы көрәш эшен координацияләү комиссиясенең чираттагы утырышы булды.

Көн тәртибенә төрле өлкәләрдә ришвәтчелекне булдырмауга юнәлдерелгән төп мәсьәләләр кертелгән иде. Алар арасында:

• Мәгариф өлкәсендәге кимчелекләрне бетерү: ведомство карамагындагы учреждениеләрдә коррупцион хокук бозуларны профилактикалауда ачыкланган җитешсезлекләрне бетерү буенча район мәгариф идарәсе тарафыннан күрелә торган чаралар.
• Муниципаль сатып алуларның үтә күренмәлелеге: муниципаль ихтыяҗлар өчен товарлар, эш һәм хезмәт күрсәтүләр сатып алганда намуслы конкуренцияне һәм объективлыкны тәэмин итү, шулай ук 2025 елның беренче яртыеллыгында конкурентлы ысуллар белән сатып алуларны анализлау нәтиҗәләре.
• Торак өлкәсендә коррупцияне кисәтү: барлык төр программалар буенча торакны исәпкә кую һәм бүлеп биргәндә, шулай ук торак йортларны капиталь ремонтлау программасын гамәлгә ашыру барышында коррупциячел хокук бозуларны кисәтү эшен оештыру мәсьәләләре.
• Авыл хуҗалыгында субсидияләрне контрольдә тоту: шәхси ярдәмче хуҗалыкларны, үсемлекчелекне һәм терлекчелекне үстерүгә федераль һәм республика субсидияләрен алганда һәм алардан файдаланганда коррупция факторларын кисәтү эшен оештыру.
• Бюджет акчаларын тотуның нәтиҗәлелеге: 2024 елда һәм 2025 елның беренче яртыеллыгында Контроль-хисап палатасы эшчәнлеге нәтиҗәләре буенча финанс дисциплинасы үтәлешен һәм муниципаль мөлкәт белән идарә итү тәртибен тикшереп тору.

Утырыш коррупцияне профилактикалау чараларын көчәйтүгә һәм җирле үзидарә органнарының бу юнәлештәге эшенең нәтиҗәлелеген күтәрүгә юнәлдерелгән иде.

фото: Эльвира Миннәхмәтова/ «Кукмор-информ»