Кукмарада киңәйтелгән киңәшмә үткәрелде
Анда район җитәкчелеге, оешма-предприятие, мәктәп директорлары, шәһәрнең балалар бакчалары мөдирләре, авыл җирлекләре башлыклары катнашты.
Бүген район Мәдәният йортында район җитәкчелеге, оешма-предприятие, мәктәп директорлары, шәһәрнең балалар бакчалары мөдирләре, авыл җирлекләре башлыклары катнашында киңәйтелгән киңәшмә үткәрелде.
Район башлыгы Сергей Димитриев киңәшмәне ачып, быел беренче тапкыр киңәйтелгән составта очрашабыз, һәркайсыбызга бу елда уңышлы эшләр телим, республика җитәкчелеге ярдәме һәм сезнең тырышлыгыгыз белән барлык планнарыбыз тормышка ашсын, диде.
Район Башкарма комитеты җитәкчесе Азат Гарифуллин үз чыгышында махсус хәрби операциядә катнашучылар белән контрактлар төзү буенча узган ел районда башкарылган эшкә нәтиҗә ясады һәм 2025 елда әлеге мәсьләгә карата бурычлар белән таныштырды.
Район авыл хуҗалыгы һәм азык төлек идарәсе җитәкчесе Рафак Хәлиуллин авыл хуҗалыгы буенча төп күрсәткечләргә тукталып, узган елга нәтиҗәләр белән таныштырды. Ул шулай ук киләчәктәге планлаштырылган эшләрне дә әйтеп узды.
Инвалидларны, шул исәптән махсус хәрби операциядә катнашучыларны эшкә урнаштыруның нәтиҗәлелеген арттыру максатларында, инвалидлар өчен эш урыннарын квоталау, эшкә алу өчен билгеләнгән квоталарның эш бирүче тарафыннан кире кагылган очракта һәм билгеләнгән квоталар кысаларында инвалидны эшкә алудан баш тарткан өчен админстратив җаваплылыкның кискенләшүе турында халыкны эш белән тәэмин итү үзәге инспекторы Энҗе Газизҗанова сөйләде.
Лубян урман техник көллиятенең эшчзнлеге белән аның директоры Рим Фәхрәзиев таныштырды.
Зур Сәрдек мәдәният йортының эшчәнлеге турында балетмейстер Альмира Шәймәрданованың чыгышы тыңланды.
Район башлыгы «Солдатка бүләк» акциясе дәвам ителә һәм 31 гыйнвар — 1 февральдә махсус хәрби операциядәгеләргә гуманитар ярдәм китәчәген белдерде. Бу саваплы эштә һәркемне актив катнашырга чакырды.
Киңәшмәдә шулай ук бер төркем райондашлар: җитәкчеләр, белгечләр, тренерлар, спортчылар казанышлары өчен бүләкләнде.
фото: Эльвира Иванова/ «Кукмор-информ»
Следите за самым важным и интересным в Telegram-каналеТатмедиа
«Кукмор Татарстан» Telegram-каналга язылыгыз
Галерея
Оставляйте реакции
Нет комментариев