Кукмарада гражданнар оборонасы буенча штаб тренировкалары үтәчәк

Россиянең Гадәттән тыш хәлләр министрлыгы күрсәтмәләре буенча 1 октябрьдән 3 октябрьгә кадәр Россия, Татарстан, шул исәптән Кукмара районы  территориясендә башкарма хакимиятнең федераль органнары, Россия субъектлары хакимиятләренең башкарма  органнары, җирле үзидарә һәм оешма органнары белән берлектә гражданнар оборонасы буенча штаб тренировкалары үтәчәк.

Тренировка  вакытында авыл җирлекләрендә, оешмаларда һәм белем бирү учреждениеләрендә “Гадәттән тыш хәлләр булганда ни эшләргә?” темасы буенча гамәли чаралар үткәрү, халыкка хәбәр итү системасын тикшерү, идарә органнарына өйрәнү сигналларын җиткерү планлаштырылган, шулай ук кәрәзле телефоннарга СМС-хәбәрләр җибәрелергә мөмкин. Тынычлык һәм тәртип саклавыгызны сорыйбыз.

фото: Эльвира Мөбарәкшина, Хезмәт даны