Кукмарада дүрт сарай янган

Кичә Кукмарада зур янгын була. Бу хакта районның 117нче янгын сүндерү-коткару бүлегендә хәбәр иттеләр.

23 февральдә 15.47 сәгатьтә Глонасс-112 системасы буенча 117нче янгын сүндерү-коткару частенең элемтә пунктына Кукмара шәһәренең Ломоносов урамында янгын чыгу турында хәбәр килеп ирешә. 

Янгын сүндерү бүлекчәсе хезмәткәрләрен күпфатирлы торак йорт хуҗалары каршы ала һәм өйдә, каралты-кураларда беркем дә булмавын, барлык яшәүчеләрнең йорттан чыгуларын хәбәр итә. 

Ялкын телләренең каралтының барлык мәйданы буенча һәм күпфатирлы торак йортка күчү куркынычы була. 

Янгын нәтиҗәсендә 4 сарай кара күмергә әйләнә, мунча диварларына зыян килә — янгынның гомуми мәйданы 153 квадрат метрны тәшкил итә. 

Бәхеткә, кешеләр зыян күрми, янгынның күпфатирлы торак йортка һәм күрше корылмаларга таралуына юл куелмый. Фаҗиганың сәбәпләре ачыклана.

фото: районның 117нче янгын сүндерү-коткару бүлеге