Кукмарада быел капиталь ремонт программасына җиде йорт кертелгән

Быел капиталь ремонт программасына җиде йорт кертелеп, аларда барлыгы 21,2 миллион сумлык эш каралган. Бүгенге көнгә башкарылган эш күләме 3,6 миллион сумны тәшкил итә. 1 миллион 13 мең сумлык агымдагы ремонт ясалды. Ике ишегалдына 377 мең сумлык балалар мәйданчыгы корылды, 666 мең сумга мини-футбол мәйданчыгы төзү эшләре төгәлләнде, ишегалларына 124 машина кара балчык кайтарылды.