Кукмарада алимент буенча ярты миллион сум әҗәте җыелган ирне төзәтү эшләренә хөкем иттеләр

Кукмара районы прокуратурасы 28 яшьлек кешегә карата җинаять эше буенча дәүләт гаепләвен хуплады. Ул, суд карарын бозып, нигезле сәбәпләрсез балигъ булмаган балаларын тәрбияләү өчен акча түләмәүдә гаепләнә. Аның алимент буенча гомуми бурычы 2020 елдан башлап 500 мең сумнан артып киткән.
Моннан тыш, ир элек тә алимент түләмәгән өчен административ җаваплылыкка тартылган булган.
Ул үз гаебен таныды. Кукмара районы суды аңа 4 ай төзәтү эшләре рәвешендә җәза билгеләде, хезмәт хакыннан 5 проценты дәүләт кеременә тотылачак.
Хөкем карары законлы көченә әле кермәде.