Кукмара суды мошенниклыкта гаепләнүче ир-атка хөкем карары чыгарды

Кукмара районы прокуратурасы элек хөкем ителгән 36 яшьлек кешегә карата җинаять эше буенча дәүләт гаепләвен хуплады. Суд ир-атны мошенниклыкта гаепле дип тапкан.

Эш материалларына караганда, 2024 елның 19 августында көндез Кукмара шәһәрендә исерек хәлдәге бер ир-ат узып баручыдан шалтырату өчен телефон сораган. Шуннан соң, җинаятьче мобиль җайланманы алып качкан. Әлеге кешегә ул 13 мең сумнан артык зыян китергән.

Ир-ат үз гаебен таныды, урланган телефон хуҗасына кайтарылды.

Суд гаеплегә, шундый ук сынау срогы белән, шартлы рәвештә сигез ай ирегеннән мәхрүм итү рәвешендә җәза билгеләде.
Хөкем карары законлы көченә әле кермәде.