Кукмара районында яшәүчеләр бәйрәм һәм ял көннәрендә Covid-19дан прививка ясата ала

Кукмара районында яшәүчеләрнең бәйрәм һәм ял көннәрендә ковидтан прививка ясату мөмкинлеге бар. Бу турыда Кукмара районы үзәк дәваханәсенең Инстаграмында хәбәр ителә.

Шулай итеп, 4 һәм 6 ноябрьдә вакцинацияләүне район үзәк дәваханәсенең терапия корпусында, 5 ноябрьдә поликлиниканың 223нче прививка кабинетында үтәргә була. Эш графигы 9.00 сәгатьтән 14.00 сәгатькә кадәр.

4 һәм 6 ноябрьдә сәгать 8.00дән 12.00гә кадәр «Фатыйма» сәламәтлек үзәгендә дә прививка ясатырга мөмкин. Адресы: Кукмара шәһәре, Гагарин урамы, 28 йорт.

5 ноябрьдә вакцинацияләүне районның барлык ФАПларында үтәргә була.
Үзең белән паспорт, ОМС полисы һәм СНИЛС булу мөһим.
 

Фото: Эльвира Мөбарәкшина/ «Хезмәт даны»