Кукмара районында бакча өе янган

Кукмара районында бакча йорты янган. Бу хакта районның 117нче янгын сүндерү-коткару часте хәбәр итә.

1 июнь көнне 01.07 сәгатьтә Глонасс-112 системасы буенча 117нче янгын сүндерү-коткару частеның элемтә пунктына Зур Кукмара авылы янындагы ташландык «Чишмәкәй» бакчачылык ширкәте территориясендә бакча йорты януы турында хәбәр алына.

Ут нәтиҗәсендә 16 квадрат метр мәйданда бакча йорты тулысынча янып бетә. Янгында һәлак булучылар юк.

Ут чыгуның сәбәпләре ачыклана.

Фото: 117нче янгын сүндерү-коткару часте