Кукмара районында 9 меңнән артык кеше Covid-19дан прививка ясаткан

Кукмара районында Covid-19 вакцинациясе буенча кампания дәвам итә. Бүгенге көндә беренче этапны 9 146 кеше узган, тулысынча — 7 345 кеше. Бу хакта Кукмара үзәк дәваханәсенең Instagramында хәбәр ителә.

Вакцинаның яңа партиясе чәршәмбе көнне, 18 августта кайтыр дип көтелә.

Вакцинация алдыннан кирәкле документлар тутырлып, табиб тикшерүе үткәрелә.

Иммунизацияне узарга теләүчеләр яшәү урыны буенча гомуми практика табибларына яисә фельдшерларга (дәваханә, участок дәваханәсе, ФАП) мөрәҗәгать итә алалар.

122 яки 8 (84364) 2-74-20 номеры буенча дәваханә регистратурасына шалтыратып язылырга була. Дәваханәдә вакцина булу-булмавы турында 8 (84364) 2-74-20 номеры буенча сорарга мөмкин.

Фото: Эльвира Мөбарәкшина/ «Хезмәт даны»