Кукмара районында 29 градуска кадәр салкынайта

11 март көнне Кукмара районы территориясендә салкын һава торышы көтелә. Бу хакта районның бердәм дежур-диспетчерлык хезмәте хәбәр итә.

«Аязучан болытлы һава. Төнлә явым-төшемсез, иртән һәм көндез бераз кар явачак», - диелә хәбәрдә.

Төнлә һәм иртән районны 500 метр һәм аннан да кимрәк күрүчәнлек белән томан каплаячак. Төньяк-көнбатыштан исүче җилнең тизлеге секундына 4-9 метр, көндез урыны белән көчәйгәндә 14 метрга кадәр җитәчәк.

Төнлә һәм иртән 22-25 градуска кадәр салкын була, урыны белән термометр баганалары 29 градуска кадәр төшәчәк. Көндез исә 11-14 градус салкын булыр дип көтелә.

Юлларда бозлавык хасил була.
 

Фото: Эльвира Мөбарәкшина/ «Хезмәт даны»