Кукмара районы укучысы – Роберт Миңнуллинның иҗатына багышланган конкурста җиңүчеләр арасында

“Счастливые истории” хәйрия фонды балалар арасында Роберт Миңнуллинның иҗатына багышланган конкурс оештырган иде. Җиңүчеләр арасында Мәчкәрә урта мәктәбе укучысы Таңсылу Гыймадиева да бар (укытучысы – Ания Сабитова). Шуннан соң шагыйрь әлеге мәктәпкә үзе кунакка килде, зур бәйрәм кичәсе оештырылды. Роберт Миңнуллин сорауларга җавап бирде, үзенең шигырьләрен сөйләде һәм укучыларның чыгышларын да тыңлады. Таңсылу Гыймадиевага – диплом, ә укытучыга рәхмәт хаты тапшырды һәм аларга үзенең “Көтәм мин корабымны” китапларын бүләк итте.