Кукмара районы халкына бушлай юридик ярдәм күрсәтеләчәк

Татарстанда хокукый сораулар буенча гражданнарга консультация бирү максатыннан оештырылган төрле министрлык, ведомство һәм оешма белгечләре катнашында мобиль мәгълүмати-консультация группасы 25 июльдә Кукмара шәһәрендә һәм Манзарас җирлегендә халыкка бушлай юридик ярдәм күрсәтәчәк.

Кабул итү түбәндәге сәгатьләрдә оештырыла:

- Кукмара шәһәре - 10.00-12.00 сәгатьләрдә район Мәдәният йортында (Кукмара шәһәре, Ленин урамы, 38 йорт);

- Манзарас авыл җирлеге - 13.30-15.00 сәгатьләрдә Манзарас мәктәбендә (Манзарас авылы, Молодежная урамы, 34 йорт).