Кукмара районында прокуратура хезмәт законын бозу фактларын ачыклады

Кукмара районы прокуратурасы җирле икмәк пешерү цехы эшчәнлегендә хезмәт законнарының үтәлешен тикшерде.
Икмәк, кондитер әйберләре, тортлар һәм пирожныйлар җитештерү белән шөгыльләнүче шәхси эшмәкәр цехта пешерүче булып эшләүче хезмәткәр белән ярты елдан артык хезмәт килешүе төземәгән.

Хезмәт законнары таләпләрен бозып, шәхси эшмәкәр пешекчегә цехта эшләргә рөхсәт итә, әмма аның белән хезмәт мөнәсәбәтләрен рәсмиләштерелми, эшкә алу турында боерык чыкмый, килешү төзелми, хезмәт кенәгәләре алып барылмый.

Закон нигезендә, хезмәткәр һәм эш бирүче арасында хезмәт мөнәсәбәтләре хезмәт килешүе төзү һәм эшләргә рөхсәт итү нигезендә барлыкка килә.

Тикшерү нәтиҗәләре буенча икмәк пешерү белән шөгыльләнүче шәхси эшмәкәргә ачыкланган хокук бозуларны бетерү турында күрсәтмә бирелде, шулай ук административ хокук бозу турында эш кузгатылды, ул Татарстан Республикасы буенча Дәүләт хезмәт инспекциясенә карау өчен җибәрелде.

Прокурор реакциясе актлары карау стадиясендә.