Кукмара районында ел башыннан 303 бала дөньяга килгән

Кукмара районында агымдагы елның 8 аенда 303 бала дөньяга килгән. Бу хакта район ЗАГС бүлеге җитәкчесе Зөлфия Латыйпова хәбәр итте.

Яңа туган сабыйларның 158е — малай һәм 145е — кыз.

Балаларга кушылган исемнәр арасында Леонель, Умар, Арыслан, Зият, Ядкарь, Рузанна, Афина, Агата, Евангелина, Ава, Ретель, Сирина, Оливия кебек сирәк яңгырый торганнары да бар.

Сигез ай эчендә 206 пар мөнәсәбәтләрен рәсмиләштергән, 65 пар аерылышкан.

Районда үлүчеләр саны 359 кешене тәшкил итә, шуларның 190ы — ир-ат һәм 169ы — хатын-кыз.

Фото: Ризилә Корбанова/ «Хезмәт даны»