Кукмара районында дача йорты һәм мунча янган

5 сентябрьдә 21.00 сәгатьтә районның 117нче янгын сүндерү-коткару частенең элемтә пунктына Кукмара районының Югары Китәк авылында янгын чыгу турында хәбәр килеп ирешә. Бу хакта районның 117нче янгын сүндерү-коткару часте начальнигы Илмир Хәбибрахманов хәбәр итте.

Янгын сүндерүчеләр килгәндә дача йорты һәм мунча тулысынча яна торган була. Подразделение хезмәткәрләрен хуҗа кеше каршы ала, өй эчендә беркем дә булмавын хәбәр итә. 

Янгын нәтиҗәсендә 105 квадрат метр мәйданда дача йорты һәм мунча кара күмергә әйләнә. Янгын чыгуның сәбәпләре ачыклана.

Фаҗига урынына 22 кеше, 12 берәмлек техника, шул исәптән Гадәттән тыш хәлләр министрлыгыннан 9 кеше, 4 берәмлек техника җәлеп ителә.

«Янгын чыккан очракта, кичекмәстән шәһәр (стационар) телефоннан — 01, кәрәзле (нинди оператор булуына карамастан) телефоннан 101 номерын җыярга кирәк», — дип искәртте районның 117нче янгын сүндерү-коткару часте начальнигы.

фото: районның 117нче янгын сүндерү-коткару часте