Кукмара районында бер ир-атны банк счетыннан акча урлаган өчен хөкем итәчәкләр

Район прокуратурасы 44 яшьлек райондашыбызга карата ачылган җинаять эше буенча дәүләт гаепләвен хуплый. Ул банк счетыннан акча урлауда гаепләнә.

Эш материалларына караганда, гаепләнүче узган елның 9 ноябреннән 10 ноябренә кадәрге вакыт аралыгында Манзарас авылында юлда ятучы банк картасын табып ала. Соңыннан ул шәһәрдәге кибетләргә кереп, әлеге банк картасыннан файдалана. Нәтиҗәдә зыян күрүчегә 3 мең сумнан артык зыян килә.

Ир-ат үз гаебен таный, зыянны тулы күләмдә каплый. Җинаять эше район судына җибәрелә.