Кукмара районы башлыгы киез итек-киез комбинаты хезмәткәрләре белән очрашты

Бүген район башлыгы Сергей Димитриев киез итек-киез комбинаты хезмәткәрләре белән аралашты, аларны кызыксындырган сорауларга җавап бирде. Очрашуга Татарстан Дәүләт Советы депутаты, Бөтендөнья татар конгрессы Башкарма комитеты җитәкчесе Данис Шакиров та килгән иде. 

Комбинатның генераль директоры Ләлә Шәрипова үзенең чыгышында комбинат эшчәнлеге белән таныштырды, проблемаларга тукталды. 

Район башлыгы Сергей Димитриев районда һәр тармакта башкарылган эшләр, дәүләт программаларының үтәлеше турында сөйләде, киләчәккә булган максат һәм бурычларны атады, район сәнәгатен үстерүгә зур өлеш керткән өчен комбинат коллективына рәхмәтен ирештерде. 

Чыгышлардан соң очрашуда катнашучылар үзләрен кызыксындырган сорауларны бирде.

фото: Алсу Сәләхетдинова/ «Кукмор-информ»