Үрәсбаш авылы егете Бөтенроссия бәйгесендә Гран-при яулаган

Районыбызның Үрәсбаш авылы егете, Филология һәм мәдәниятара багланышлар институтының Габдулла Тукай исемендәге милли мәдәният һәм мәгариф югары мәктәбенең 5 курс студенты Индир Макаров Уфада Бөтенрәсәй күләмендә узган “Ана теле – 2020” конкурсында катнашты һәм бәйгенең иң зур бүләге - Гран-прига ия булды. Җитәкчесе – якташыбыз, доцент Луиза Җәмалиева.

Халыкара туган тел көне һәм күренекле галим, профессор Үзбәк Ибраһим улы Гыймадиевның тууына 100 ел тулуга багышланган әлеге конкурста Индирның икенче тапкыр катнашуы. Ул узган ел “Иң яхшы дәрес” номинациясендә бүләкләнгән булган.